Sérhæfð kennsla í kvikmyndaleik

L
eiklistardeild Kvikmyndaskóla Íslands býður upp á krefjandi list- og fagnám sem þjálfar öguð vinnubrögð leikarans fyrir kvikmyndir og sviðslistir.

Mikil áhersla er lögð á líkamsbeitingu, raddþjálfun, söng og líkamsmeðvitund til að finna styrkleika hvers og eins. Nemendur hljóta þjálfun í að leika í kvikmyndum og öðrum myndmiðlum undir leiðsögn skapandi listamanna úr röðum leikara, leikstjóra, söngvara, dansara og kvikmyndagerðamanna sem starfa við list sína og tengja nemendur við listasamfélagið.

Nemendur þjálfa grunntækni í listsköpun leikarans og einnig undirstöðuatriði kvikmyndagerðar, handritsgerðar, framleiðslu, kvikmyndatöku, hljóðvinnu, klipps og eftirvinnslu. Sérstaða þessarar leiklistardeildar er að nemendur hljóta víðtæka þjálfun í að leika í kvikmyndum og öðrum myndmiðlum í hópvinnu með öðrum deildum skólans.

Leiklistardeildin er krefjandi tveggja ára nám og markmiðið er að nemendur fái að blómstra og dafna í skapandi og öruggu umhverfi. Tekið er inn í deildina tvisvar á ári og eru nemendur valdir með inntökuprófum og viðtölum.

Leiklistardeildin er ákjósanlegur valkostur fyrir ungt fólk sem hefur áhuga á skapandi og krefjandi starfi leiklistarinnar og er góður grunnur fyrir störf í kvikmynda- og sjónvarpsþáttagerð, sviðslistum eða fyrir framhaldsnám á einhverju sviði listgreinarinnar.

Sýnishorn úr Myndum nemenda

Fagstjórar í leiklist

Rúnar Guðbrandsson
Leiklist
Þórey Sigþórsdóttir
Leikur & Rödd
Kolbrún Anna Björnsdóttir
Leikur & Hreyfing
Námskeið
Leikur og hreyfing 1 | LEH 103
Leikur og rödd 1 | LER 104
Leiklist 1 | LEL 107
Lokaverkefni 1 | LOL 106
Tæki og tækni 1 | TÆK 106
Samstarf milli deilda | SAM 102
Kvikmyndasaga 1 | KMS 102
Leikur og hreyfing 2 | LEH 204
Leikur og rödd 2 | LER 204
Leiklist 2 | LEL 206
Spuni/Grín | SPG 103
Leiksmiðja og leikhús| LEI 106
Tæki og tækni 2 | TÆK 204
Samstarf milli deilda | SAM 201
Kvikmyndasaga 2 | KMS 202
Leikur og hreyfing 3 | LEH 304
Leikur og rödd 3 | LER 303
Leiklist 3 | LEL 304
Leikstjórinn | VML 102
Leiklistarsaga | LLS 103
Leikinn sjónvarpsþáttur | LSJ 102
Sjónvarpsþættir | SJL 103
Myndmál og meðferð þess | MYN 104
Samstarf milli deilda | SAM 303
Kvikmyndasaga 3 | KMS 302
Leikur og hreyfing 4 | LEH 403
Leikur og rödd 4 | LER 403
Leiklist 4 | LEL 404
Fagið og framtíðin | FOF 203
Handritsgerð | HHO 102
Lokaverkefni 4. önn | LOL 208
Samtíminn | SAT 102
Samstarf milli deilda | SAM 403
Kvikmyndasaga 4 | KMS 402
Samningar og kjör | VER 101

Umsagnir nemenda

Árin mín í Kvikmyndaskólanum voru yndisleg. Það fyrsta sem kemur upp í hugann er hvað ég skemmti mér vel og hvað ég kynntist mikið af skemmtilegu fólki. Þarna innan veggja skólans fékk ég að prufa mig áfram sem listamaður, fara út fyrir þægindarammann og víkka sjóndeildarhringinn. Það var stundum erfitt og tók á því námið er krefjandi en mér fannst það allt þess virði því það sem ég fékk út úr þessu er í raun ólýsanlegt. Það er fátt meira gefandi en að elta drauminn sinn og fá að læra meira og skilja meira á því sviði sem maður hefur brennandi áhuga á. Næstum öll verkefni sem ég fékk fyrst eftir útskrift voru í gegnum í sambönd sem ég myndaði innan skólans. Svo heldur maður bara áfram, kynnist fleira fólki í kvikmyndabransanum og reynir að troða sér áfram. Þetta er alveg ágætlega mikið hark. Leiktæknina sem ég lærði í kvikmyndaskólanum nota ég alltaf. Ég lærði að búa mér til “verkfærakistu” sem hjálpar mér að undirbúa mig undir hlutverk. Öll leiktækni og undirbúningur er eitthvað sem ég tók með mér úr náminu og hef verið að nota og prófa mig áfram með í öllu sem ég geri. Ég mæli með leiklistarbrautinni í Kvikmyndaskólanum. Ég fékk mikið út úr þessu námi, bæði sem listamaður og sem einstaklingur. Þetta nám einblínir auðvitað meira á kvikmyndaleik, þannig að áherslurnar eru þannig. En mér fannst kennslan góð og námið krefjandi og virkilega skemmtilegt.

Anna Hafþórsdóttir, Útskrifuð vorið 2011
Þessi tvö ár sem ég var í skólanum voru jafn frábær og þau voru krefjandi. Það var allur skalinn af tilfinningum krufinn á þessum tíma og líðanin alveg eftir því. En það var sama hvað gekk á þá var leikgleðin alltaf til staðar og ánægjan af því að vera að skapa og kynnast sjálfum sér á þennan nýjann hátt eitthvað sem ég vildi óska að allir upplifi á lífsleiðinni. Það er hluti af því sem heldur mér gangandi í dag, að vera skapandi og opin fyrir tækifærum á hverjum degi.Það er eitt dæmi sem ég nefni alltaf þegar ég er spurð út í námið, það er hvaða áhrif skólinn hafði á mig frá fyrsta degi. Ég átti það til að svara ekki fyrir mig, standa ekki nógu mikið upp fyrir mínum skoðunum. En strax á fyrstu önn í náminu þá var fólkið í kringum mig farið að taka eftir því hvað ég var farin að standa á mínu. Mér var bent á þetta reglulega og það gladdi mig jafn mikið og alla hina, loksins var hægt að rökræða við mig! Haha. En þessi tími var algjört gull, tvö ár voru bara of fljót að líða. Fólkið í skólanum, bæði nemendur og þessir frábæru kennarar sem eru ennþá til staðar fyrir mann, mörgum árum eftir útskrift er eitthvað sem ég get verið virkilega þakklát fyrir. Hvað gerðist eftir skólann? Eftir útskrift kom smá sjokk. Hvað nú?
Maður er búinn að vera í endlausum tökum og verkefnum á þessum tíma sem maður er í náminu en svo kemur útskriftin og þú stendur allt í einu alveg á eigin fótum.

(more…)

Þórunn Guðlaugs, Útskrifuð haustönn 2010