Kennarar & leiðbeinendur
Hjá Kvikmyndaskóla Íslands vinnum við með kennurum og leiðbeinendum sem starfa við kvikmyndaiðnaðinn.
Þetta er stór hópur fagfólks sem kemur að náminu á hverju misseri og tekur virkan þátt í að móta leikstjóra, framleiðendur, tæknifólk, handritshöfunda og leikara framtíðarinnar. Margir eru fastagestir en stundum kalla verkefnin út í hinum stóra heimi. Hér er listi yfir þá sem hafa komið að kennslu með einum eða öðrum hætti á síðustu árum.
Fagstjórar Kvikmyndaskóla Íslands
Arnar Benjamín Kristjánsson
Fagstjóri framleiðsluArnar Benjamín Kristjánsson útskrifaðist frá leikstjórn/framleiðslu deild Kvikmyndaskóla Íslands árið 2012 og hefur síðan þá starfað við kvikmyndagerð. Hann er einnig með MA gráðu frá Met Film School í London og MMM gráðu í Markaðsfræðum frá Háskólanum á Bifröst.
Arnar hefur framleitt yfir 40 verkefni, stuttmyndir, heimildamyndir og myndir í fullri lengd sem framleiðandi, meðframleiðandi eða executive framleiðandi.
Arnar framleiddi meðal annars kvikmyndina Villibráð sem sló í gegn árið 2023 og meðframleiddi sjónvarpsþættina Afturelding sem sýndir voru á RÚV og hafa verið seldir til sýninga um allan heim.
Arnar starfaði sem framleiðandi og framkvæmdastjóri Zik Zak kvikmynda árin 2018 til 2021 og sem framleiðandi árin 2021 til 2023. Síðan 2023 hefur Arnar starfað sem framleiðandi hjá Sagafilm.
Ágústa M. Jóhannsdóttir
Fagstjóri og kennara á kjarnaFramleiðsla, eftirvinnsla og kennsla
Hilmar Oddsson
Fagstjóri leikstjórnarHilmar lærði kvikmyndgerð við Hochschule für Fernsehehen und Film í München í Þýskalandi. Hann frumsýndi sína fyrstu bíómynd árið 1986 og síðan hefur Hilmar gert 5 bíómyndir, 5 sjónvarpsmyndir, 5 stuttmyndir og yfir 25 tónlistarmyndbönd. Hann hefur gert fjölda heimildarmynda og yfir hundrað sjónvarpsþætti. Þar að auki hefur hann leikstýrt og stjórnað upptökum á tveimur “sitcom” þáttaröðum og leikstýrt auglýsingum og allra handa fræðsluefni. Hilmar hefur fjallað um kvikmyndir í sjónvarpi og eftir hann liggur fjöldi greina um kvikmyndatengd málefni. Hilmar hefur kennt kvikmyndagerð og kvikmyndaleik í tvo áratugi, m.a. við Listaháskóla Íslands og Kvikmyndaskóla Íslands, sem hann veitti forstöðu 2010 til 2017.
Hrund Atladóttir
Fagstjóri MyndbreytingaHrund Atladóttir leikstýrði stuttmyndum, auglýsingum og tónlistarmyndböndum í menntaskóla. Hún flutti svo til Amsterdam þar sem hún útskrifaðist frá Gerrit Rietveld Academie með BFA gráðu frá Audio/visual deildinni. Samhliða því tók hún skiptinám í animation við Seika University í Kyoto, Japan. Hrund starfaði í New York frá 2009 - 2014 við að gera animation, hreyfigrafík og tæknibrellur fyrir ýmsa miðla, sjónvarpsstöðvar og kvikmyndir víða um heim. Síðan hún flutti til Íslands hefur hún verið sjálfstætt starfandi og komið að ýmsum verkefnum. Verk Hrundar hafa hafa meðal annars verið tilnefnd til Eddunnar, Lúðursins og Emmy verðlaunanna.
Tómas Örn Tómasson ÍKS
Fagstjóri kvikmyndatökuTómas hefur tengst kvikmyndagerð allt frá því hann var í Verzlunarskóla Íslands. Eftir útskrift fór hann í Háskóla Íslands og Köbenhavn Universitet, þar sem hann lagði stund á Sagnfræði. Samhliða náminu tók hann að sér alla þá vinnu sem bauðst og tengdist kvikmyndatöku. Tómas sá fyrir sér að gerast heimildarmyndagerðamaður, þar sem hann myndi skrifa, kvikmynda og leikstýra eigin verkum. Þegar hann kom heim úr námi sumarið 1996, bauðst honum ýmis vinna tengd kvikmyndagerð. Það var síðan árið 2002 að hann ákvað að snúa sér alfarið að kvikmyndatökunni. Á heimasíðu Tómasar er starfsreynsluágrip og tenglar í helstu verkefnin sem hann hefur kvikmyndað www.tomastomasson.com
Kjartan Kjartansson
Fagstjóri hljóðsKjartan er einn reyndasti hljóðmaður landsins og fremsti sérfræðingur landsins þegar kemur að hönnun hljóðheims. Hann hefur hljóðunnið fjöldan allan af kvikmyndum íslenskrar kvikmyndasögu. Eru verk á borð við "Sódóma Reykjavík", "Mýrin", "Englar Alheimsins" og "Djúpið" þar á meðal. Einnig annaðist Kjartan hljóðvinnu á fyrstu seríu af "Ófærð". Kjartan lærði við Den Danske Filmskole og hljóðvann kvikmyndina "Börn náttúrunnar" sama ár og hann útskrifaðist úr þeim skóla. Síðan hann útskrifaðist árið 1991 hefur hann hljóðeftirunnið og sinnt hljóðtökum á kvikmyndum, heimildamyndum og hljóðritað og hljóðblandað hljómplötur. Hann hefur kennt við Kvikmyndaskóla Íslands frá stofnun skólans árið 1992.
Heiðar Sumarliðason
Fagstjóri tegundir handritaHeiðar Sumarliðason er með BA-gráðu af Sviðshöfundabraut Listaháskóla Íslands, sem og MA-gráður í Ritlist frá Háskóla Íslands og Leikstjórn frá East15 í London. Hann stundar nú nám til kennsluréttinda við Listaháskóla Íslands. Heiðar hefur skrifað leikverk og kvikmyndahandrit, á meðal verka eftir hann eru "(90)210 Garðabær" sem sýnt var í Þjóðleikhúsinu, "Rautt brennur fyrir" sem sýnt var í Borgarleikhúsinu, "Svín" sem flutt var í Útvarpsleikhúsi RÚV og kvikmyndaleikverkið "Það sem við gerum í einrúmi" sem sýnt var í Tjarnarbíói. Heiðar hefur leikstýrt tíu leikverkum í atvinnuleikhúsi, m.a. "Segðu mér satt" eftir Hávar Sigurjónsson, "Glerdýrunum" eftir Tennessee Williams, "Pizzasendlinum" eftir Elísabetu Jökulsdóttur, sem og eigin verkum. Heiðar er kvikmyndagagnrýnandi Vísis og er þar einnig með kvikmyndaþáttinn Stjörnubíó.
Börkur Gunnarsson
Fagstjóri handrita í fullri lengdBörkur Gunnarsson lærði kvikmyndaleikstjórn í FAMU í Prag í Tékklandi. Þar gerði hann einnig sína fyrstu bíómynd, Silný kafe, sem fór víða um heim og vann til alþjóðlegra og íslenskra verðlauna. Seinna gerði hann íslensku bíómyndina Þetta reddast. Hann hefur skrifað níu bækur; skáldsögur, nóvellur og eitt smásagnasafn. Tvö leikrita hans voru sett á svið. Hann vann í mörg ár sem Art Director á Talent Lab hjá RIFF (Alþjóðlegu kvikmyndahátíðinni í Reykjavík) og í tvö ár var hann fjölmiðlafulltrúi hátíðarinnar. Hann hefur verið í dómnefndum á kvikmyndahátíðum, vann sem kvikmyndagagnrýnandi árum saman, var í fjögur ár í stjórn Menningarráðs Reykjavíkur, í tvö ár í stjórn Rithöfundasambandsins (stærstu hagsmunasamtök handritshöfunda á Íslandi), í þrjú ár í dómnefnd bókmenntaverðlauna Tómasar Guðmundssonar og fleira.
Rúnar Guðbrandsson
Fagstjóri leiklistarRúnar nam upphaflega leiklist í Danmörku og starfaði þar um árabil sem leikari með ýmsum leikhópum. Frekari menntun hefur hann sótt m.a. til Póllands og Rússlands. Rúnar lauk MA og MPhil gráðum í Leikhúsfræðum og leikstjórn frá De Montfort háskólanum í Leicester í Englandi og hefur lokið fyrri hluta doktorsnáms í fræðunum. Hann var fyrsti prófessor í leiktúlkun við Listaháskóla Íslands. Rúnar hefur samið og leikstýrt fjölda leiksýninga hérlendis og erlendis og fengist við leiklistarkennslu og þjálfun leikara víða í Evrópu. Hann hefur auk þess leikið í fjölda kvikmynda og sjónvarpsþátta.
Þórey Sigþórsdóttir
Fagstjóri leiks og raddarÞórey hefur unnið sem leikkona og leikstjóri á sviði og í kvikmyndum frá því hún útskrifaðist frá Leiklistarskóla Íslands 1991. Þórey útskrifaðist með kennsluréttindi frá LHÍ árið 2004, MA gráðu í Advanced Theatre Practice frá The Royal Central School of Speech and Drama árið 2012 og MA gráðu í Hagnýtri Menningarmiðlun frá HÍ 2014. Þórey hefur í mörg ár kennt Rödd við Listháháskóla Íslands og ýmis námskeið fyrir leikara og fólk sem vinnur með röddina. Hún hefur réttindi til að kenna raddþjálfunaraðferð Nadine George frá The Voice Studio International í London og byggir kennsluna á NGT aðferðinni. Þórey er stofnandi og listrænn stjórnandi leikfélagsins Fljúgandi Fiskar sem hefur framleitt nokkar sýningar, m.a. "Hótel Heklu" eftir Anton Helga Jónsson og Lindu Vilhjálmsdóttur, og "Medeu" (multi-media) eftir Evrípídes. Þórey leikstýrði síðast verkinu "Andaðu" eftir Duncan Macmillan sem var frumsýnt við frábærar viðtökur í Iðnó í janúar 2017. Þórey hefur kennt rödd við Kvikmyndaskóla Íslands síðan 2016.
Þórunn Erna Clausen
Fagstjóri í leiklist / Kennari í söngÞórunn hefur starfað sem leikkona frá því árið 2001. Hún hefur leikið á sviði Þjóðleikhússins og Borgarleikhússins. Þórunn hefur ferðast víða um heiminn, bæði með leikuppsetningar og einnig með söng. Hún stofnaði söngskólann Vocal Art þar sem hún kennir Complete Vocal Technique, en hún er viðurkenndur söngkennari frá Complete Vocal Intstitute í Kaupmannahöfn. Hún er einnig textahöfundur og hefur samið fjölmörg lög sem keppt hafa í Söngvakeppni sjónvarpsins og einnig tvö sem hafa verið framlag Íslands í Eurovision. Þórunn fékk tilnefningu til Grímuverðlauna fyrir hlutverk sitt í “Dýrlingagenginu” og einnig til Edduverðlauna fyrir leik sinn í Kvikmyndinni “Dís” og þáttunum “Reykjavíkurnætur”.
Kennarar
Kennarar Kvikmyndaskóla Íslands
Hlín Jóhannesdóttir
Kennari í framleiðsluHlín hefur verið framleiðandi í kvikmyndagerð síðan 2001 og hefur komið víða við á sínum ferli. Um þessar mundir er hún að framleiða mynd í fullri lengd “Skjálfti” sem verður frumsýnd árið 2021. Hún stofnaði framleiðslufyrirtækið “Urus Parvus” árið 2011. Hún hefur stjórnarmeðlimur IKSA ( Icelandic Film-and Television Academy) síðan 2015 en var kosin formaður 2016 og hefur gegnt þeirri stöðu síðan.
Hilmar Oddsson
Kennari í leikstjórnHilmar er einn af okkar frumkvöðlum í kvikmyndagerð en hann frumsýndi sína fyrstu kvikmynd árið 1986. Hann hefur leikstýrt fjölda af kvikmynda, heimildarmynda, útvarpsleikrita og sjónvarpefnis. Hann leikstýrði myndinni “Kaldaljós” sem vann til 5 Edduverðlauna og hlaut mörg önnur verðlaun á kvikmyndahátíðum erlendis. Kvikmyndir undir hans leikstjórn hafa þrisvar sinnum verið framlag Íslands til Óskarsverðlauna.
Baldvin Z
Kennari í leikstjórnBaldvin Z hefur verið einn virkasti og þekktasti leikstjóri Íslands síðustu ár. Hann hefur leikstýrt þáttum í þekktum íslenskum þáttaröðum og hefur gert þrjár bíómyndir í fullri lengd (Lof mér að falla, Vonarstræti og Órói). Verk hans hafa unnið til yfir 40 verðlauna, þar á meðal 18 Eddu verðlauna. Kvikmynd hans, Lof mér að falla var sýnd á kvikmyndahátíð í Toronto og varð næst söluhæsta kvikmynd Íslands og Vonarstræti sló met þegar hún hlaut 12 íslensk kvikmyndaverðlaun.
Ninna Pálmadóttir
Kennari í leikstjórnNinna er ung kvikmyndagerðarkona sem á framtíðina fyrir sér í faginu. Hún útskrifaðist með MFA úr NYU Tisch School of the Arts árið 2019. Myndir eftir hana hafa verið sýndar á kvikmyndahátíðum víða um heim. Ninna vann til Edduverðlauna 2020 fyrir bestu stuttmynd ársins “Blaðberinn”.
Börkur Gunnarsson
Kennari í leikstjórnBörkur hefur komið víða við. Hann hefur leikstýrt 5 heimildarmyndum, mörgum stuttmyndum, skrifað 2 leikverk og gefið út bækur. Hann leikstýrði einnig kvikmyndinni “Þetta reddast” árið 2013. Hann hefur unnið hjá helstu fjölmiðlum landsins sem pistlahöfundur um menningarmál og einnig sem kvikmyndagagnrýnandi. Hann hefur setið í dómnefndum hjá RIFF og sinnti þar líka almannatengslum.
Sol Berruezo Pichon-Rivière
Kennari í leikstjórn og framleiðsluSol Berruezo Pichon-Rivière (1996) er kvikmyndagerðarmaður fædd í ARgentínu en býr á Íslandi. Hún útskrifaðist úr leikstjórn í Universidad del Cine.
“Mamá, mamá, mamá” er fyrsta mynd hennar í fullri lengd, gerð að fullu af konum: bæði í tökuliði og leikurum. Fyrsta mynd hennar, IM var frumsýnd á Berlinale 2020 þar sem hún fékk sérstaka tilnefningu frá dómnefnd. Hún var yngsti leikstjóri á 70. Berlinale hátíðinni. Myndin var svo sýnd í bíóhúsum í Frakklandi, Kína og Argentínu.
Í byrjun 2021, með aðstoð Biennale College Cinema, skaut Sol sína aðra mynd: “Nuestros días más felices”. Hún var frumsýnd í La Mostra Internazionale d'Arte Cinematografica della Biennale di Venezia 78.
Sol vinnur nú að sinni þriðju mynd “There is something that illuminates and it is not the sun” sem gerist á Íslandi, ásamt því að skrifa sína fyrstu skáldsögu og vinna í auglýsingagerð.
Vera Sölvadóttir
Fagstjóri kjarnaVera hefur leikstýrt fjölda kvikmynda og tónlistarmyndbanda, en hún frumsýndi sína fyrstu kvikmynd árið 2005. Hún hefur unnið til fjölda verðlauna fyrir myndir sínar og einnig hefur hún setið í dómnefndum á mörgum kvikmyndahátíðum og verðlaunahátíðum um allan heim.
Baldvin Albertsson
Kennari í leikstjórnBaldvin starfaði sem stjórnandi framleiðslufyrirtækisins Tjarnargatan og var framleiðandi og leikstjóri hjá þeim í 6 ár. Innan Tjarnargötunnar leikstýrði hann mörgum auglýsingum og var einn af þeirra helstu starfsmönnum. Hann hefur einnig unnið við heimildamyndagerð og verið að kenna leiklist fyrir fólk á öllum aldri.
Hrafnkell Stefánsson
Kennari í handritsgerðHrafnkell hefur starfað sem handritshöfundur og leikstjóri frá árinu 2008. Hann hefur skrifað handrit að ótal stuttmyndum og er með mörg önnur í þróun. Hann hefur verið tilnefndur til Edduverðlauna fyrir handritið að “Kurteist fólk” en myndir eftir hann eins og “Borgríki” og “Borgríki 2 : Blóð hraustra manna” hafa einnig fengið fjölda tilnefninga.
Lee Lorenzo Lynch
Kennari í listasöguLee hefur verið að gera kvikmyndir frá 13 ára aldri. Lee útskrifaðist með BFA gráðu í kvikmyndagerð úr Film from California Institute of the Arts og með MFA gráðu úr Fine Art from the University of Southern California. Myndir eftir hann hafa verið sýndar á kvikmyndahátíðum eins og International Film Festival Rotterdam og Sundance svo eitthvað sé nefnt.
Curver Thoroddsen
Kennari í leikstjórnCurver er sjálfstætt starfandi listamaður og eftir hann liggur fjöldinn allur af gjörningum og listasýningum, en hann hefur verið starfandi síðan árið 1993. Hann er einnig tónskáld, hefur gefið út og komið fyrir á ótal plötum. Hann vann til Íslensku tónlistarverðlaunanna fyrir plötu ársins árið 2003.
Björn Ófeigsson
Kennari í kvikmyndatökuBjörn er alhliða tækni maður og framleiðandi. Hann hefur mikið séð um eftirvinnslu á hinum ýmsu kvikmyndum eins og “Kaldaljós”, “Sveitabrúðkaup” og “Bjarnfreðarson”. Hann framleiddi og skaut heimildamyndina “Gnarr” árið 2010.
Kjartan Kjartansson
Kennari í hljóðvinnsluKjartan er okkar fremsti sérfræðingur þegar kemur að öllu sem viðkemur hljóði. Hann hefur starfað við hljóðhönnun og hljóðupptökur síðan 1991. Hann hefur tekið upp og hannað hljóðheim fyrir ótal margar íslenskar kvikmyndir og sjónvarpsefni, svo sem “Ófærð”, “Mýrin”, “Kaldaljós”, “Englar Alheimsins” og“Börn náttúrunnar” svo eitthvað sé nefnt. Hann hefur einnig verið hljóðstjóri og hljóðjafnað tugi hljómplatna.
Vilius Petrikas
Kennari í myndbreytinguVilius hefur unnið við kvikmyndagerð síðastliðin áratug. Hann er leikstjóri, klippari og framleiðandi. Hann var tilnefndur til Daytime Emmy Awards fyrir vinnu sína í "Ocean Treks" árið 2018. Hann er um þessar mundir að framleiða myndina “Axlar-Björn” sem kemur út á næsta ári.
Bjarni Felix Bjarnason
Kennari í kvikmyndatökuBjarni Felix er reyndur kvikmyndatökumaður með yfir 25 ára reynslu af kvikmyndum, sjónvarpi og auglýsingum. Hann byrjaði feril sinn í kvikmyndum sem gaffer og varð svo kvikmyndatökumaður. Undanfarinn áratug hefur Bjarni einbeitt sér eingöngu að kvikmyndagerð. Bjarni lærði listasögu við háskólann í Vín seint á níunda áratugnum áður en hann byrjaði í kvikmyndagerð þar sem hann fann ástríðu sína.
Olaf De Fleur
Kennari í handritsgerðÓlafur hefur starfað við kvikmyndagerð í yfir tuttugu ár, sem leikstjóri, framleiðandi og einnig sem klippari. Hann hefur gert fjölmargar heimildamyndir og hlotið Edduverðlaun fyrir tvær þeirra, “Blindsker” og “Africa United”. Hann hlaut einnig verðlaun fyrir bestu mynd á New York LGBT Film Festival árið 2008 fyrir myndina “The Amazing Truth About Queen Raquela”. Hann leikstýrði og framleiddi einnig kvikmyndir eins og “Stóra Planið”, “Kurteist fólk” , “Borgríki” og “Borgríki 2: Blóð hraustra manna”.
Davíð Alexander Corno
Kennari í klippinguDavíð hefur starfað við kvikmyndagerð frá árinu 2000. Hann hefur unnið bæði við framleiðslu og eftirvinnslu á hinum ýmsu kvikmyndum t.d. “Sumarbörn”, “Undir halastjörnu”, “Kona fer í Stríð” og “Skjálfti”.
Heiðar Sumarliðason
Kennari í handritsgerð
Dögg Mósesdóttir
Kennari í handritsgerðDögg hefur starfað sem leikstjóri og handritshöfundur síðustu 15 árin. Hún hefur leikstýrt mörgum tónlistarmyndböndum fyrir íslenskt tónlistarfólk og er um þessar mundir að vinna að tveimur sjónvarpsþáttaröðum og tveimur kvikmyndum. Hún er einn af stofnendum Stockfish kvikmyndahátíðarinnar sem er haldin árlega.
Rúnar Guðbrandsson
Kennari í leiklistRúnar er einn fróðasti maður landsins þegar kemur að leiklistarfræðum og leiklistarsögu. Hann hefur leikstýrt fjölda sýninga, bæði í atvinnuleikhúsi og áhugaleikhúsi. Hann stofnaði og rak leikhópinn Lab Loki um árabil. Hann hefur verið tilnefndur til Grímuverðlauna 4 sinnum, bæði sem höfundur og leikstjóri ársins.
Þórey Sigþórsdóttir
Kennari í raddþjálfunÞórey hefur starfað sem leikkona og leikstjóri á sviði frá árinu 1991. Hún hefur leikið í uppsetningum hjá Borgarleikhúsinu og Þjóðleikhúsinu og öðrum sjálfstæðum leikhópum. Hún er ein af stofnendum og listrænn stjórnandi leikhópsins Fljúgandi Fiskar, en hópurinn hefur sett upp fjölmargar sýningar sem hafa fengið frábærar viðtökur. Verkið “Andaðu” sem hópurinn setti upp var tilnefnt til Grímuverðlauna árið 2017.
Þórunn Erna Clausen
Fagstjóri í leiklist / Kennari í söngÞórunn hefur starfað sem leikkona frá því árið 2001. Hún hefur leikið á sviði Þjóðleikhússins og Borgarleikhússins. Þórunn hefur ferðast víða um heiminn, bæði með leikuppsetningar og einnig með söng. Hún stofnaði söngskólann Vocal Art þar sem hún kennir Complete Vocal Technique, en hún er viðurkenndur söngkennari frá Complete Vocal Intstitute í Kaupmannahöfn. Hún er einnig textahöfundur og hefur samið fjölmörg lög sem keppt hafa í Söngvakeppni sjónvarpsins og einnig tvö sem hafa verið framlag Íslands í Eurovision. Þórunn fékk tilnefningu til Grímuverðlauna fyrir hlutverk sitt í “Dýrlingagenginu” og einnig til Edduverðlauna fyrir leik sinn í Kvikmyndinni “Dís” og þáttunum “Reykjavíkurnætur”.
Sigrún Gylfadóttir
Kennari í leiklistSigrún hefur starfað sem leikkona á sviði og í kvikmyndum. Hún hefur leikið hjá Þjóðleikhúsinu og Borgarleikhúsinu m.a. í“Tristan og Ísól” með leikhópnum Augnablik og í“Gallerí Njála” í Þjóðleikhúsinu. Hún var einnig með hlutverk í kvikmyndunum “Stuttur Frakki” og “Benjamín Dúfu”. Einnig var hún með hlutverk í jólasýningu í New York, “Christmas Revels”, sem var sýnd á Broadway. Sigrún hefur kennt leiklist fyrir börn í grunnskólum og framhaldsskólum og einnig haldið allskyns námskeið fyrir fólk á öllum aldri.
Arna Magnea Danks
Kennari í sviðsbardagalistumArna Magnea er kennari, bardagaleikstjóri, áhættuleikari og leikkona. Arna er með diplómu í kennarafræðum frá Listaháskólanum, BA í leiklist frá University of East London og lærði sviðsbardagalist í British Academy of Dramatic Combat. Hún fékk þjálfun frá Nick Hall, vopnameistara og stjórnarformanni BADC. Hún hefur unnið í gerð áhættuatriða í ýmsum framleiðslum eins og t.d Game of Thrones.
Þorsteinn Bachmann
Kennari í leiklistÞorsteinn Bachmann er einn okkar reynslumesti leikari Íslendinga. Hann er með reynslu af ótal verkefnum bæði á sviði og í kvikmyndum. Eins hefur hann mikið leiklistarnám að bakinu, t.a.m frá Bandaríkjunum.
Hann hefur einnig stundað önnur störf innan geirans, eins og verið Leikhússtjóri leikfélags Akureyrar, framleitt efni og stundað kennslu við bæði Kvikmyndaskóla Íslands og einnig á eigin vegum.
Að auki hefur hann leikstýrt fjölda verkefna.
Þorsteinn hefur að baki fjölda Edduverðlauna og tilnefninga.
Stefán Vilhelmsson
Kennari í raddþjálfunStefán hefur starfað mikið sem leikari og einnig mikið við talsetningar. Hann er meðlimur í leikhópnum Lottu og hefur tekið þátt í fjölmörgum sýningum á þeirra vegum. Hann hefur talsett efni og lesið mikið inn á hljóðbækur. Stefán er einn af stofnendum Skýjasmiðjunnar og Frú Normu leikhúss. Hann hefur einnig starfað mikið við kennslu í sviðslistum og hefur kennt í grunnskólum, leiklistarnámskeiðum fyrir börn sem og fullorðna. Sýningar sem hann hefur tekið þátt í með leikhópnum Lottu hafa margsinnis verið tilnefnd til verðlauna eins og Grímunnar.
Gísli Torfason
Hljóðkennari / TæknimaðurÁrið 2010 hóf Gísli nám við Kvikmyndaskóla Íslands á tæknibraut og lauk því 2012 og fór þaðan beint til Kanada í Vancouver Film School (VFS) á Sound Design For Visual Media. Hann kláraði námið þar 2013. Vann um skeið hjá Ríkisútvarpinu en er að vinna sjálfstæt við hljóðvinnslu í dag.
Gísli hefur sérhæft sig í Foley vinnslu en sinnir öllum helstu hljóðverkefnum.
Pálmi Sigurhjartarson
PíanóPálmi Sigurhjartarson hefur verið starfandi sem atvinnutónlistarmaður síðan 1984 og tekið þátt í gerð fjölda hljómplatna, sem hljóðfæraleikari, útsetjari, upptökustjóri, lagahöfundur og söngvari. Þá hefur hann einnig starfað sem hljómsveitar- og tónlistarstjóri í sjónvarpi, útvarpi og leikhúsi, meðleikari hjá fjölda listamanna og unnið við tónlistarkennslu.
- Meðal tónlistar og hljómsveitastjóra verkefna í sjónvarpi ,, Spaugstofan RUV , Það var lagið stöð 2 ,, Gott Kvöld með Gísla Rúnari, stöð 2, Vinir Sjonna , framlag Íslands i Eurovision 2011, Stutt í spunann , RUV
- Meðal tónlistar og hljómsveitastjóra verkefna i leikhúsi ,, Söngleikurinn Ást ( Vesturport , Borgarleikhúsið 2007 ) ,, Love The Musical ( Vesturport Lyric Hammersmith 2008)
- Húsmóðirinn ( Vesturport , Borgarleikhúsið 2011. )
- Þetta er lífið , með Charlottu Bøving ( Iðnó 2010 )
- Afinn ( einleikur Sigurðar Sigurjónssonar, Borgarleikhúsið 2011 )
- Alvöru menn ( Austurbær 2012)
- Flytjandi og hugmyndasmiður í ,, Sniglabandið í beinni á rás 2 ( yfir 200 útvarpsþættir )
Pálmi starfar með spunahópnum Improv Island og hefur unnið á sviðslistabraut LHI , Kvikmyndaskóla Íslands og meðleikari í söngdeild FIH .Pálmi er starfandi með 4 virkum hljómsveitum , Sniglabandið - Bogomil Font & Millarnir - Gildran - Sváfnir Sig. , og er meðleikari helstu söngvara þjóðarinnar . Fyrsta sólóplata Pálma ,,Undir fossins djúpa nið” kom út á tvöföldum vínyl 2021 .
palmisigurhjartar@gmail.com
Jóel Sæmundsson
Kennari í leiklist
Oddný Sen
Yfirmaður kjarnaÁgústa M. Jóhannsdóttir
Fagstjóri og kennara á kjarnaFramleiðsla, eftirvinnsla og kennsla