Útskrift 16.desember, 2023 - Verðlaun

"Eftir að hafa horft á allar myndir sem dómnefnd bárust og lagst undir feld komst dómnefndin að sameiginlegri niðurstöðu. Það er ávallt gaman að sjá hvað grasrótin er að gera og sannarlega eru sprotar þarna sem hafa alla burði til að verða að gildum stofnum í kvikmyndaskóginum. Sigurvegarar flokkana voru valdir fyrst og síðan sú mynd sem skilar bestum heildarsvip á öllum sviðum. Dómnefnd valdi að þessu sinni að vera einnig með sérstaka tilnefningu/special mention á fjórðu myndina sem átti hana sannarlega skilið. Við óskum ykkur öllum velgengni á næstu skrefum þessa ævintýris sem þið skrifið sjálf - ykkar frama í kvikmyndagerð."

"Fimlega unnið með formið og af festu. Sparlega farið með hljóðmynd til að ná sem mestum áhrifum þegar hún er notuð. Afgerandi útlit. Hrá, einföld og áhrifarík."