Andri Freyr Ríkharðsson hefur verið með stuttmyndina Ólgusjó  í vinnslu í tvö ár en hann útskrifaðist úr Kvikmyndaskóla Íslands, Handritum/leikstjorn haustið 2011.

Það hefur gengið ágætlega að fjármagna myndina Ólgusjó. Við fengum t.a.m. styrk frá Uppbyggingarsjóði Vesturlands á síðasta ári og nú fyrir stuttu fengum við vilyrði að framleiðslustyrk frá Kvikmyndasjóði Íslands.

Andri Freyr er leyndardumsfullur þegar spurt er eftir söguþræði myndarinnar.

Það ríkír mikil leynd yfir handriti myndarinnar. Eina sem ég get sagt er að hún fjallar um þrjár persónur og gerist á sjó fyrir utan Snæfellsnes á litlum handfærabát.

Búið að ráða í flestar stöður við gerð myndarinnar Ólgusjór og er ráðgert að myndin verði tekin upp næsta sumar.

Ég hef mikil tengsl við sögusviðið. Ég bjó á Snæfellsnesi og faðir minn var á sjó í Breiðafirði. Sagan sjálf er skáldskapur en samt sem áður er hún mér nátengd. Ég vildi ekki gera enn eina myndina sem gerist á sjó og fjallar um veðurháska. Ég vildi skrifa mynd um fólk sem vinnur saman alla daga, persónur sem hrærast í litlu rými og oft í langan tíma. Í þannig aðstæðum kynnist fólk raunverulega. Þar vakna líka spurningar hvort það sé hægt að halda einhverju leyndu og hvort fólk eigi e.t.v. samleið.

Tveir aðrir útskrifaðir nemendur úr Kvikmyndaskóla Íslands gegna veigamiklu hlutverki í að gerð myndarinnar.

Ásþór Aron Þorgrímsson og Unnsteinn Garðarsson eru framleiðendur myndarinnar undir merkjum framleiðslufyrirtækisins Behind the Scenes. Ég leitaði beint til þeirra eftir að handritsskrifum lauk og hafa þeir reynst mér afar vel.

Leikara og aðra starfskrafta við gerð myndarinnar hyggjast þeir félagar kynna síðar en sem stendur býr Andri Feyr í Kaupmannahöfn.

Ég er hér að hefja skrif á handriti að kvikmynd í fullri lengd sem verður vonandi tilbúið á næsta ári.

Ólgusjór fær vilyrði fyrir framleiðslustyrk – Andri Freyr ráðgerir tökur næsta sumar

Knútur Haukstein Ólafsson sem útskrifaðist úr leiklistardeild Kvikmyndaskóla Íslands í desember í fyrra hefur rekið framleiðslufyrirtækið Flying Bus Productions en nýlega komust þeir félagar í fyrirtækinu með verkefni sín á á netkvikmyndahátíð sem ber nafnið “IndieWise Virtual Festival” – IndieWise en það er  vettvangur sem gefur kvikmyndagerðarmönnum tækifæri á að fá feedback og gagnrýni frá notendum á netinu.

Um er að ræða stuttmyndina ),  gamanmynd á ítölsku og tónlistarmyndbandið “Sunnvestan Stormur” (Southwest Storm) en verkefnin eru eftir þá sjálfa Flying Bus Productions.

Hátíðin virkar þannig að ef myndband fær fleiri en 5 tilnefningar í einum flokki þá á sama myndbandið möguleika á að fá verðlaun fyrir þann flokk. Því myndum við vera mjög þakklátir fyrir hvern þann stuðning sem við gætum fengið frá ykkur.

Hingað til er “L’ascesa di Lorenzo” búið að fá eina tilnefningu fyrir “Most Entertaining” og “Best Director” og Sunnvestan Stormur er búið að fá eina tilnefningu fyrir “Best Music Video” og “Best Special Effects” þannig að ef fólk vill hjálpa okkur við að geta átt möguleika á að hljóta verðlaun þá megið þið endilega gefa okkur atkvæði í þessum flokkum.

Knútur er meðframleiðandi, handritshöfundur og leikstjóri stuttmyndarinnar “L’ascesa di Lorenzo” og  meðframleiðandi og leikstjóri tónlistarmyndbandsins “Sunnvestan Stormur“.

Þetta er í rauninni ekkert annað en bara fínt “boost” fyrir sjálfsöryggi okkar sem kvikmyndagerðarmenn. Það sem skiptir mestu máli fyrir okkur er að geta fengið gagnrýni frá öðrum og hlutlaust sjónarhorn. Það er stærsti kostur hátíðarinnar að mínu mati. Það er gott að fá hlutlausa gagnrýni til að geta vitað hvað má gera betur.

Knútur er sem stendur við nám í Háskóla Íslands í sálfræði og hefur minni tíma til að sinna kvikmyndaverkefnum en áður.

Öll verkefni sem tengjast kvikmyndagerð eru einfaldlega “on hold” á meðan ég sinni því. Það væru í rauninni ekki nema sumarfríin sem gætu nýst í eitthvað tengt kvikmyndagerð í augnablikinu. En öll þau tækifæri sem munu gefast reynir maður að sjálfsögðu að nýta sér til að skapa eitthvað.

Knútur Haukstein og félagar í Flying Bus Productions keppa á netkvikmyndahátíðinni IndieWise

Hugmynd að stuttmynd kviknaði fyrir þremur árum en lenti ofan í skúffu þar sem hún var augljóslega kostnaðarsöm í framleiðslu. En fyrir ári síðan byrjaði þessi hugmynd Elsu G. Björnsdóttur,  aftur að skjóta upp í huga henna og nú, ári síðar er verkefnið komið langt í framleiðsluferli. Elsa  útskrifaðist úr leiklistardeild Kvikmyndaskóla Íslands  árið 2010.

Meira og betra draft tók svo á sig mynd eftir spjall við tökumann síðustu myndar minnar,  Arturas Kuklis. Þegar við kláruðum stuttmyndina í Janúar 2015 ræddum við möguleikann á að hann tæki þátt í að vinna aðra mynd með mér og þá aðeins stærri stuttmynd. Þar sem fyrra verkefnið tókst svona vel og guttinn hans kom svo vel út í þeirri mynd þá viðraði ég líka þá hugmynd við hann að Kevin myndi leika í næstu mynd s.s. Kára (unga).   En mínar helstu pælingar á þeim tíma voru þó fyrst og fremst hvernig ég gæti fjármagnað verkefnið svo ég byrja þarna aðeins fyrir 1 og hálfu ári síðan að safna pening með sýningarsölu á Sögunni Endalausu…..

Sagan Endalausa fór svo á alþjóðlega kvikmyndahátíð í Frakklandi í fyrrasumar og með myndina þar í keppni byrjaði Elsa að ræða við hugsanlegan leikara um að taka að sér hlutverk Kára sem fullorðins einstaklings.

Bo Hardell sem er danskur sýndi því strax mikinn áhuga að taka þetta hlutverk að sér svo handritið kom þá í raun alveg upp úr skúffunni þarna og byrjar að taka á sig betri mynd í huganum. Þarna var ég orðin nokkuð save með döff leikara og þá er erfiðast að finna…. það morar allt í heyrandi leikurum og enginn vandi að skipta um leikara og/eða ef einn getur ekki þá er yfirleitt hægt að spyrja bara þann næsta um að hoppa inn, en þannig er það ekki með döff leikara og þá sérstaklega ekki menntaða leikara eða leikara á ákveðnum aldri því við erum svo fá.

Sagan endalausa hlaut aðalverðlaunin á áðurnefndri listhátíð fyrir döff kvikmyndir, Clin d´Oeil  í Reims í Frakklandi.

Með því komu óvænt peningaverðlaun. Þá byrjaði boltinn bara að rúlla frekar hratt… í framhaldi er sú stuttmynd sýnd hér og þar og smá budget kemur inn sem ég eyrnamerki bara fyrir næsta verkefni. Á meðan kláraði ég að skrifa fyrsta draftið að Kára almennilega.

Síðasta haust hafði Elsa svo samband við Steinunni Ólínu og spurði hana hvort hún væri til í að taka að sér hlutverk móðurinnar í sögunni.

Hún tók vel í það og vildi fá að sjá handritið…. síðan þegar hún var “on board” þá einhvernveginn var aldrei möguleiki í mínum huga að bakka út eða hætta við að gera þessa mynd. Ég fór bara á full swing í framleiðslunni verandi í fullu námi líka við HÍ síðasta vetur.

Tökurnar á fóru svo fram á Eskifirði í byrjun ágúst en Elsa segir verkefnið sem átti að kosta nokkrar krónur hafa farið nokkuð framúr áætlun.

Ég hreinlega veit ekki hvar ég væri núna án þess að eiga góða að og er gríðarlega þakklát fjölskyldu minni en auk þess kostnaðar sem fór í framleiðslu og tökur þá vantar mig enn 1,5 milljónir til að klára alla eftirvinnslu, þá sérstaklega til að geta ráðið einhvern í að hljóðvinna myndina og til að klára rest af framleiðslunni.

Ég er búin að henda trailer út í kosmóið, að vísu með lélegu hljóði, því þegar öllu er á botnin hvolft þá mun auðveldara með smá sýnishorni að safna pening. Ég trúi því að þegar fólk sér trailerinn vilji það frekar styrkja myndina heldur en ef það sér ekki neitt.

Elsa er að klára BA nám við í táknmálsfræði á næstunni og hefur haft í mörg horn að líta.

Timinn til að sinna kvikmyndagerðinni hefur ekki verið mikill. Ég vinn sem stendur hjá RÚV í táknmálsfréttunum ásamt því að skrifa framleiða og leikstýra, aðallega eigin verkum. Svo var ég í um daginn í aukahlutverki í Týndu stelpunum sem Lovísa Lára leikstýrir og er núna með tvö verk á prjónunum fyrir bíó og sjónvarp sem mig langar að gera. Allt þetta ásamt því að klára Kára og koma honum á kvikmyndahátíðir.

Skúffuhugmyndin verður veruleiki – Kári er ný mynd Elsu G. Björnsdóttur

Útskriftarmynd Ólafar Birnu Torfadóttur Síðasta sumar (Last Summer) hlaut nýlega verðlaun sem besta erlenda stuttmyndin (Best comedy/drama foreign short film) á Los Angeles Independent Film Festival Awards en hún útskrifaðist  úr deildinni Handritum/leikstjórn í Kvikmyndaskóla Íslands nú í vor.

Ólöf segist hafa mest unnið við að skrifa síðan hún útskrifaðist í vor.

Ég hef verið að skrifa, bæði vinna í eigin verkefnum en eitthvað fyrir aðra líka.

Myndin byggist á raunverulegum atburðum og sýnir þann súrrealíska heim sem tekur við hjá aðstandendum þegar fjölskyldumeðlimur leggst í djúpt þunglyndi og reynir að fyrirfara sér.

Verðlaun eins og þau sem myndin  Síðasta sumar hlaut í sumar eru mikil hvatneing en hvað e nú framundan hjá Ólöfu Birnu?

Ég held áfram að skrifa og vinna í mínum verkefnum. Nú er ég að leggja lokadrög á umsókn til Kvikmyndamiðstöðvar Íslands,  handritsstyrk að leiknum sjónvarpsþáttum. Þá er ég að hefja framleiðslu að nýrri stuttmynd sem verður tekin upp fyrir jól, auk þess sem ég er að fara að leggjast í mikla heimildarvinnu fyrir stærra verkefni í vetur.

Ólöf Birna hlýtur verðlaun fyrir bestu erlendu stuttmyndina á Independent Film Festival Awards í LA

Nýlega greindi Klapptré frá því að níu íslensk kvikmyndaverkefni yrðu hluti af norsku Kvikmyndahátíðinni í Haugesund, sem fer fram 20.-26. ágúst.

Þrjú verkefni eru þar á meðal sem tengjast Kvikmyndaskóla Íslands sterkum böndum.

Fyrsta ber að nefna myndina Damned sem Þórður Pálsson, útskrifaður úr leikstýrði og skrifaði handrit að en einnig er þarna að finna myndina East by Elleven sem Hrafnkell Stefánsson deildarforseti Handrita/leikstjórnar vinnur að í samvinnu við Poppoli-teymið.

Þá ber að nefna að Pale Star, sem framleidd er af Birgittu Björnsdóttur sem kennir við Kvikmyndaskóla Íslands og Hlín Jóhannesdóttur fyrrum deildarstjóra við skólann, er á meðal verkefnanna í Haugasundi.

Verkefni tengd Kvikmyndaskóla Íslands til Haugesund

Cilect samtökin voru að kynna úrslit í árlegri nemendamyndasamkeppni. Eins og venjulega var keppt í þremur flokkum, flokki leikinna stuttmynda, heimildarmynda og animation (teikni) mynda. KVÍ hefur hingað til aðeins sent myndir í flokk leikinna mynda. Alls bárust 110 framlög í þann flokk í þetta skiptið. Framlag okkar var stuttmyndin Himinn og jörð, útskriftarverkefni þeirra Ásgeirs Loga Axelssonar og Ragnars Inga Magnússonar úr Deild 2. Myndinni var leikstýrt af Aroni Þór Leifssyni úr Deild 1.

Það er okkur sérstakt ánægjuefni að tilkynna að KVÍ (IFS), þ.e. Himinn og jörð, hafnaði í 20. sæti af 112, sem verður að teljast verulega góður árangur, enda stökkvum við uppum 32 sæti milli ára. Kvikmyndaskóli Íslands óskar aðstandendum, og okkur öllum, til hamingju með glæsilegan árangur, sem á vonandi eftir að verða núverandi nemendum hvatning til frekari afreka.

segir Hilmar Oddson, rektor skólans í tilkynningu af tilefni af þessum frábæra árangri.

Röð efstu mynda í keppni Cilect var eftirfarandi:

Everything will be okay – UMDK í Austurríki

Beautiful figure – SxFE í Ungverjalandi

Boat people – HFF í Þýskalandi ………..                                                                                20.   The Wedding Gift (Himinn og jörð) – IFS (KVÍ)

Í flokki heimildarmynda varð The Archipelago frá NFTS í Beaconsfield/London hlutskörpust og Edmond frá sama skóla varð hlutskörpust í flokki “animation” mynda.

Helstu verðlaunamyndirnar verða sýndar á sérstöku Cilectkvöldi innan tíðar og verður sú sýning auglýst sérstaklega síðar.

Mynd úr Kvikmyndaskólanum meðal efstu 20 mynda í keppni Cilect – “Verulega góður árangur” segir rektor

Lovísa Lára Halldórsdóttir sem útskrifaðist úr deildinni Handrit/Leikstjórn hjá Kvikmyndaskóla Íslands vorið 2014 er þessa dagana að ljúka við tökur á kvikmynd í fullri lengd. 4

Kvikmyndagerðarkonan unga hefur vakið athygli m.a. fyrir mynd sína Hrelli sem valin var til sýninga  valin var til sýninga á Winter Film Awards, FEAR horror competition í New York fyrr á þessu ári.

Nýja myndin heitir Týndu Stelpurnar og fjallar um tvær fjórtán ára stelpur sem verða vitni að morði sem þær byrja að rannsaka sjálfar. En þær enda með að flækjast í aðstæður þar sem er komið fram við þær eins og þær séu fullorðnar þó þær séu enn bara börn.

Lovísa Lára segir að myndin fjalli einnig um það mikla magn af upplýsingum sem ungt fólk sendir  frá sér í dag.

Við gerð myndarinnar hefur Lovísa Lára leitað til fjölda annarra nemenda skólans.

Nanna Höjgaard Grettisdóttir sér um kvikmyndatöku, en hún útskrifaðist úr Kvikmyndaskólanum með mér árið 2014. Gunnar Már Halldórsson er aðstoðarleikstjóri en hann útskrifaðist á seinustu önn. Og svo eru framleiðendur myndarinnar Unnur Jónsdóttir, Halldóra Guðjónsdóttir og Hákon J Helgason. En þau eru öll fyrrverandi og núverandi nemendur í skólanum.

Lovísa bætir við að  Magnús Ingvar Bjarnason, Bergur Líndal Guðnason (Kletturinn) og Eyþór Örn Magnússon séu einnig í tækni-crewinu.

Ég er auk alls þessa með nokkra leikara úr skólanum í myndinni. Ársæll Rafn Erlingsson, Lára Magnúsdóttir, Elsa G Björnsdóttir og Þorbjörn Óli Árnason eru í stórum hlutverkum  auk  fleiri leikara úr skólanum sem fara með minni hlutverk.

Eins og áður segir hefur Lovísu Láru gengið vel frá því hún útskrifaðist úr Kvikmyndaskólanum.

Eftir að ég útskrifaðist úr Kvikmyndaskólanum hef ég gert nokkrar stuttmyndir sem hafa ferðast á kvikmyndahátíðir út um allan heim og unnið til verðlauna. Ég hlaut einnig styrk frá Kvikmyndamiðstöð Íslands til þess að vinna heimildarmyndina Aukaleikarar en sú mynd er á þróunarstigi.

Og Lovísa Lára hefur ekki látið sér nægja að gera myndir því hún hefur einnig  stofnað hryllingsmyndahátíðina Frostbiter, sem verður haldin í fyrsta sinn í nóvember á Akranesi.

Hátíðin verður haldin 25.-27. nóvember og munum við sýna hrollvekjur frá öllum heimshornum.   Við erum einnig að taka inn íslenskar stuttmyndir og veitt verða verðlaun fyrir bestu myndina.  Það er opið fyrir innsendingar til 17. september. Hægt er að senda inn myndir á frostbiter@frostbiter.is eða í gegnum FilmFreeway.

Næsta verkefni Lovísu Láru er svo að halda áfram að vinna heimildarmynd sinni um Aukaleikara á Íslandi.

Einnig er ég með nokkur handrit sem ég er að vinna að. En ég vil aldrei vera verkefnalaus og því er ég alltaf með marga bolta á lofti.

Framleiðendur Týndu stelpnanna eru með SnapChat þar sem hægt er að fylgjast með gerð myndarinnar: tyndustelpurnar

Með marga bolta á lofti – Lovísa Lára að ljúka við tökur á mynd í fullri lengd

Á  morgun hefst Gamanmyndahátíð Flateyrar en þetta er í fyrsta sinn sem hátíðin er haldin. Það er nemandi í Kvikmyndaskóla Íslands sem á heiðurinn af hátíðinni, Eyþór Jóvinsson en hann hefur þegar getið sér gott orð fyrir myndir sínar. Mörgum er í fersku minni mynd hans sem einnig tengist Flateyri, Amma sem vann fyrstu verðlaun í Örvarpanu hjá Rúv í fyrra.

Hugmyndin að hátíðinni kviknaði á annari kvikmyndahátíð þar sem ég var búinn að sitja yfir þungum og átaklegum myndum allan daginn. Allt voru þetta flottar myndir og falleg kvikmyndagerð um mikilvæg málefni en þetta var bara svo helvíti leiðilegt. Þá hugsaði ég með mér hvort að það væri ekki svona einu sinni hægt að gera kvikmyndahátíð sem væri fyrst og fremst skemmtileg. Þar sem alvarleikinn er aðeins settur til hliðar og gleðinni gert hátt undir höfði.

Eyþór fer ótroðnar slóðir að halda hátíð sína á Vestfjörðum en hvar verða myndirnar sýndar?

Hugmyndin  er fyrst og fremst að skemmta fólki og hafa gaman. Hátíðin verður haldin eins og nafnið gefur til kynna  á Flateyri og verða  sýningar  víðsvegar um þorpið, t. d. í sundlauginni og í gömlum bræðslutanki.

Eftir helgi verður hátíðin að baki og við tekur skólastarfið. Hvað er framundan í allra næstu framtíð?

Næst á dagskrá eftir að hátíðinni er lokið er að hitta deildastjórann til að semja um lausn á þeim áfanga sem ég missi af í byrjun annarinnar.  Þar á eftir fer vinna við útskriftarmyndina mína á fullt, en stefnan er einmitt að taka hana upp á Flateyri. Svo er ég með handrit í umsóknarferli hjá Kvikmyndamiðstöð, og vonandi kemur eitthvað jákvætt út úr því svo maður geti hellt sér í hana að loknu námi.

Eyþór Jóvinsson með Gamanmyndahátíð Flateyrar um helgina

Rúnar Guðbrandsson var ráðinn deildarforseti leiklistardeildar Kvikmyndaskóla Íslands um síðustu áramót og var síðan fastráðinn í ráðningarferli deildarforseta nú í vor. Rúnar er leikari, leikstjóri og leikhúsfræðingur, menntaður í De Monfort University í Englandi, Cafe Teatrets Dramaskole í Kaupmannahöfn og víðar m.a. hjá Jerzy Grotowski í Póllandi og Eugenio Barba í Odin Teatret í Holsterbro. Hann er einn reynslumesti leiklistarkennari landsins. Hann var prófessor við leiklistardeild Listaháskóla Íslands og stóð að uppbyggingu deildarinnar þar. Það er gríðarlegur fengur fyrir KVÍ að fá hann til liðs við skólann.

Frá því Rúnar tók við hefur hann, ásamt góðu fólki, unnið að endurskoðun námskrár og skipulags leiklistardeildarinnar. Nú liggur niðurstaðan fyrir í nýrri námskrá skólans fyrir skólaárið 2016-17, sem komin er út og sjá má á heimasíðu. Við það tækifæri er rétt að taka Rúnar tali og fræðast um þessa vinnu.

Hverjar voru helstu forsendur og hver voru helstu markmiðin í þessari endurskoðunarvinnu?

Lengi má gott bæta. Námskrár þarf stöðugt að vera að uppfæra í takt við kröfur tímans. Nýir straumar og stefnur velkjast um veröldina og nýir kennarar koma fram með nýja og spennandi þekkingu. Þetta er m.a. viðleitni til að svara kalli tímans, en líka að skerpa á námskeiðslýsingunum, gera námskeiðin enn markvissari og bæta framvinduna og tengingu námskeiðanna, – reyna að gera námið enn skilvirkara. Einnig að skerpa á sérstöðu skólans sem kvikmyndaskóla með því að auka alla sérþjálfun leikara fyrir myndmiðla. Þannig ætti skólinn að verða fýsilegur valkostur fyrir þá sem vilja sérhæfa sig á því sviði.

Hverjar eru helstu breytingarnar í stuttu máli?

Fyrra árið, fyrstu tvær annirnar, snýst að miklu leyti um almenna leiktækni og sértæka þjálfun (líkami, rödd, leiklist.) sem sækir í brunn hefðarinnar og eru því nokkuð sviðslistamiðaðar. Þar er grunnurinn lagður fyrir seinna árið, seinni annirnar tvær, sem tekur nær alfarið mið af vinnu leikarans við myndmiðla. Nokkur ný námskeið líta dagsins ljós og önnur eldri víkja. Einnig verður töluverð endurnýjun á kennarliðinu og þó nokkrir nýir kennarar koma til starfa.Reynt hefur verið að gera uppbyggingu sérgreinanna markvissari og þeim fækkað. Þær eru nú þrjár; Leikur og hreyfing, Leikur og rödd og svo aðalgreinin sem heitir einfaldlega Leiklist og tekur jafnt á leiktækni, túlkun og sköpun í námskeiðum sem leiða hvert af öðru. Kjarninn í leiktækninni er sóttur til “Þriðja leikhússins”, þ.e.a.s  aðferðir Jerzy Grotowski´s og í rannsóknir Eugeino Barba m.a. þær er lúta að hinum síendurteknu lögmálum (the recurrent principles). Á seinni stigum eru nemendum svo, meðal annarra, kynntar aðferðir B. Brecht. Í leiktúlkun er nemendum upphaflega kynntar greiningaraðferðir Stanislavskis og þeim leiðbeint með aðferðum hans í vinnu með leikverk. Senuvinnan er svo þróuð áfram á annarri önn a´la M. Checkhov og loks fer áherslan eingöngu yfir á kvikmyndaleik á seinni tveimur önnunum og þá er innblástur sóttur annars vegar í amerísku “Methoduna” (Strassberg, Adler, Meisner) og hins vegar til Mike Leigh og fleiri.“Leikur og hreyfing” tekur töluverðum breytingum frá því sem verið hefur og verður nú boðið uppá  stutt en hnitmiðuð námskeið í ýmsu hagnýtu eins og t.d. bardaga- og slagsmálatækni, samkvæmisdönsum, fimleikum. Leikur og rödd verður áfram með svipuðu sniði og verið hefur, þó áherslubreytingar hafi átt sér stað. Enn sem fyrr er “Complete Vocal Technique” lögð til grundvallarsöngþjálfuninni en aðferðum Nadine George er m.a. beitt við þjálfun í textameðferð og töluðu máli.Stoðgreinarnar styðja svo við sérgreinarnar, en þar eru helstu nýjungarnar að nemendur fá að kynnast “Haraldinum”, spunatækni sem m.a. Impro Ísland beitir. Önnur ný stoðgreinanámskeið eru “Vinna með leikstjóra”,þar sem nemendur kynnast samskiptum leikara og leikstjóra og fá innsýn í vinnubrögð ólíkra leikstjóra og “Fagið og framtíðin” sem nemendur taka á síðustu önninni og fá þar m.a. þjálfun í undirbúningi og þátttöku í áheyrnarprufum (audition) og aðstoð við gerð kynningarmyndar (show-real) um sjálfa sig.

Hverja telur þú vera helstu styrkleika deildarinnar?

Námið er mjög framleiðsludrifið, öllum námskeiðum lýkur með einhvers konar “afurð”, sýningu, tónleikum eða kvikmynd. Það er þverfaglegt og nemendur leikistardeildar vinna mikið að ólíkum verkefnum með nemendum úr öðrum deildum. Með endurnýjaðri námskrá er enn frekar reynt að skerpa á sérstöðu deildarinnar sem leiklistardeildar í kvikmyndaskóla. Þó þetta sé leiklistardeild fá nemendur innsýn í alla þætti kvikmyndagerðar og tækifæri til að spreyta  sig á ýmsum sviðum hennar. Það má kannski segja sem svo að þetta sé grunnnám í kvikmyndagerð með leiklist sem aðalfag og þar liggur kannski styrkur deildarinnar, það er í allri þeirri kvikmyndagerð sem á sér stað innan deildarinnar.

Hver er framtíðarsýn þín fyrir deildina og hvernig sérðu hana þróast.

Það er margt að gerast, til dæmis er fyrsti angi alþjóðlegrar deildar að hefja starfsemi sína, 6 erlendir nemendur í leikstjórn/handrit  hefja nám í haust og ég vona að alþjóðleg leiklistardeild komist á koppinn sem allra fyrst. Það myndi ekki aðeins auka og efla nemendaflóruna, heldur líka auka möguleika okkar á að fá flotta kennara erlendis frá sem hefði þá væntanlega áhrif langt út fyrir veggi skólans. Einnig bind ég miklar  vonir við þær samræður sem verið hafa í gangi við Háskóla Íslands varðandi samstarf sem mundi þá styrkja nemendur okkar enn frekar og auka valkosti þeirra. Ég er einnig mjög áhugasamur um ýmis konar stuðning við útskrifaða nemendur og reyndar höfum við gert tilraunir með símenntun í huga. Útskrifuðum nemendum hefur verið boðið uppá þátttöku í þjálfun og vinnusmiðjum þeim að kostnaðarlausu. Það er eitthvað sem ég vil þróa áfram og taka lengra. Á síðunni casting.is er haldið utanum útskrifaða nemendur og þar geta þeir komið sér á framfæri.Í augnablikinu sé ég endalaus sóknarfæri fyrir deildina og hef í því sambandi fjölda hugmynda sem mér finnst óþarfi að tíunda hér því mér finnst betra að láta verkin tala.

Viðtal: Böðvar Bjarki Pétursson, stjórnarformaður Kvikmyndaskóla Íslands

Reynsluboltinn Rúnar Guðbrands segir frá nýjum leiðum leiklistardeildar

Fréttir Í fréttum var það helst