Níu nemendur, útskrifaðir úr Kvikmyndaskóla Íslands, tóku þátt í gerð sumarsmellsins í ár, Bakk sem frumsýnd var í maí síðastliðnum.

Bakk hefur fengið frábæra dóma og notið mikilla vinsælda en þar er fjallað um tvo æskuvini sem ákveða að fylgja í fótspor föðurs annars þeirra og bakka hringinn í kringum Ísland til styrktar langveikum börnum.

Nöfn þeirra nemenda úr KVÍ sem komu að gerð myndarinnar eru Logi Ingimarsson, Hrefna Hagalín, Bergþóra Ólöf Björnsdóttir, Heiðar Eldberg Eiríksson, Baldvin Vernharðsson, Gunnar Kristinsson, Bent Kingo Andersen, Gunnar Ingi Gunnarsson og Róbert Orri Pétursson.

Níu útskrifaðir úr KVÍ tóku þátt í Bakk

Vinsældir vefsins Stuck in Iceland hafa aukist jafnt og þétt og áhugafólk um allt það sem Ísland hefur að bjóða fylgjast þar grannt með.

Nemandi Kvikyndaskóla Íslands vakti athygli vefsins nýlega fyrir myndir og myndbönd af íslenskri náttúru og nú hefur mbl.is bæst í hóp áhugasamra um frábæra vinnu Garðars Ólafssonar á þessu sígilda myndefni. Áhugi Garðars á ljósmyndun kviknaði fyrir um sex árum og leiddi hann í skólann og það má með sanni segja að hann sé á réttri hillu.

http://stuckiniceland.com/south/drone-video-icelandic-natural-wonders/

http://www.mbl.is/frettir/innlent/2015/06/09/eldgosid_i_eyjafjallajokli_magnad/

Myndir nemanda í KVÍ af íslenskri náttúru vekja athygli netmiðla

Á einni viku hefur Björk látið frá sér tvö myndbönd við lög sín af nýjustu plötu sinni Vulnicura. Lögin eru Black lake og Stonemilker og eru bæði myndböndin tekin á Íslandi.

Við í Kvikmyndaskóla Íslands erum stolt af aðkomu kennara skólans, Jonathan Devaney, sem var ljósameistari í báðum tökum en í öðru þeirra naut hann aðstoðar nýútskrifaðs nemanda skólans, Jóns Marinós.

Rétt er að benda áhugasömum að nota Chrome vafrann fyrir 360 gráðu videoið við lagið Stonemilker.

Devaney, kennari KVÍ vann að myndböndum Bjarkar

Mbl fjallaði í gær um flutning Kolbrúnar Vökudóttur á framlagi Íslendinga til söngkeppni evrópska sjónvarpsstöðva í ár, Unbroken, fyrir heyrnarskerta.

Hliðstæður flutningur gestgjafanna, Svía þótti ekki heppnast sem skyldi en nú hefur Kolbrún sem útskrifaðist úr leiklistardeild Kvikmyndaskóla Íslands í vor gert sína útgáfu sem þykir mun betri. Kolbrún á heiðurinn bæði þýðingunni og flutningnum í myndbandinu.

Nýútskrifuð leikkona úr KVÍ með sína túlkun á Unbroken fyrir heyrnarlausa

Myndband frá Color Run gert af nemendum KVÍ

Stuttmynd Þórðar Pálssonar sem útskrifaðist árið 2012 úr Leikstjórn/framleiðslu frá Kvikmyndaskóla Íslands, BROTHERS hefur verið valin til sýninga á alþjóðlegu stuttmyndahátíðinni  í Palm Springs.

Þórður hefur nýlokið  MA gráðu í kvikmyndagerð frá National Film and Telivision School  í Beaconsfield og er stuttmyndin Brothers útskriftarmynd hans þaðan.

Klapptré tók spjall á Þórði í marslok þar sem hann m.a. greindi frá undirskrift samnings við bresku umboðsskrifstofuna Sayle Screen og um þessar mundir vinnur  að handriti sinnar fyrstu bíómyndar ásamt fyrrum samnemanda sínum.

Hér má lesa viðtalið við Þórð: klapptre.is/2015/03/26/10722/

Þórður Pálsson með stuttmynd í Palm Springs

Gamlir nemendur KVÍ halda áfram að gera það gott og það er ánægjulegt að fylgjast með störfum þeirra. Freyr Árnason, fyrrum nemandi í Deild 3, Handrit/leikstjórn hefur gert nokkur eftirtektarverð myndbönd á undanförnum misserum. Nú síðast vann hann með hljómsveitinni Agent Fresco. Hér gefur að líta afraksturinn…

Góður árangur í gerð tónlistarmyndbanda

Velgengni Hrúta, kvikmyndar Gríms Hákonarsonar, hefur ekki farið fram hjá neinum kvikmyndaáhugamanni. Það er einstaklega ánægjulegt að geta þess að 12 fyrrverandi nemendur Kvikmyndaskóla Íslands unnu ýmis störf við gerð myndarinnar. Þannig áttum við fulltrúa meðal leikara, í leikstjóradeild, framleiðsludeild, myndatökudeild og leikmyndadeild. Við óskum Þorsteini Gunnari Bjarnasyni, Önnu Sæunni Ólafsdóttur, Vigfúsi Gunnarssyni, Antoni Smára Gunnarssyni, Guðjóni Hrafni Guðmundssyni, Margreti Völu Guðmundsdóttur, Jóni Þór Jónssyni, Karli Pálssyni, Alexander Erlendssyni, Jóni Gauta Jónssyni, Helgu Björg Gylfadóttur og Valgerði Sigurðardóttur hjartanlega til hamingju með vel unnin störf. Já, og til hamingju, Grímur og Grímar með Hrúta og gott starfsfólk.

Velgengni Hrúta: Fjöldi nemenda kom að gerð myndarinnar

Í dag, 23. maí útskrifuðust 30 nemendur úr Kvikmyndaskóla Íslands við hátíðlega athöfn í Bíó Paradís. Þetta er annar veturinn sem Kvikmyndaskólinn starfar í húsnæði sínu að Grensásvegi  1. Nemendur útskrifuðust úr öllum deildum; Leikstjórn/framleiðslu, Skapandi tækni, Handriti/leikstjórn og Leiklist.

Við útskriftina í dag voru veitt eftirtalin verðlaun.

Ólafur Einar Ólafarson hlaut verðlaun fyrir bestu mynd. Haraldur Bjarni Óskarsson hlaut viðurkenningu fyrir bestu mynd  í Deild 1, Leikstjórn/framleiðsla. Fyrir bestu mynd í Deild 4, Leiklist hlaut Sigmar Ingi Sigurgeirsson viðurkenningu og Haukur Karlsson var verðlaunahafi Deildar 2, Skapandi tækni. Kolbrún Völkudóttir viðurkenningu fyrir framúrskarandi námsárangur og frábæra ástundun náms.

Við óskum öllum útskriftarnemum á vorönn 2015, innilega til hamingju með þennan glæsilega árangur.

Fréttir Í fréttum var það helst