Bolli Már Bjarnason útskrifaðist frá Leiklist í Kvikmyndaskólanum í desember 2015 og var að byrja nýja þáttaröð á Rúv, “HEE-TV”. Við fengum aðeins að forvitnast

Manstu hvenær kvikmyndir heilluðu þig fyrst ?

Í hreinskilni sagt þá nei, er enginn kvikmyndanörd eða með dálæti á þessu klassíska sem fólk talaði mest um þegar ég var í skólanum. Ég horfði mikið á “Detroit Rock City”, “Ali G” og “Íslenska drauminn” þegar ég var yngri.

Hvers vegna fórst þú í kvikmyndagerð og valdir Leiklist?

Langaði að læra leiklist, fór mjög blint inn í þetta allt saman. Fannst þetta töff og heillandi. Ég var ekki með neinn grunn, bara tilfinningu fyrir því að þetta væri flott fyrir mig. Var á alvöru krossgötum og sá tækifæri þarna.

Námið gekk lala, ég sé alltaf eftir því að hafa ekki gefið meira. Mjög þakklátur fyrir mörg tímabil innan skólans. Ég hef nýtt mér námið alveg ótrúlega vel á endanum.

Hver voru fyrstu skrefin eftir útskrift?

Vinna hjá Morgunblaðinu í einhverri handavinnu ásamt því að reyna að fá verkefni í leiklist. Fór svo að vinna í gamla grunnskólanum mínum, Laugalækjarskóla. Það var gott og svolítið fallegt allt saman, algjört topp fólk að vinna þar sem hafði líka þurft að hafa fyrir mér þegar ég var þar sem nemandi. Ég var létt stressaður að hitta alla gömlu kennarana. Meðfram því var ég að koma mér í hin og þessi verkefni.Svo fór ég að vinna hjá Pipar/TBWA og það breytti öllu. Ég hef lært og þroskast mikið þar. Búinn að vera þar síðustu þrjú ár. Þar fæ ég tækifæri í svo mörgu og læri helling af öllu frábæra fólkinu hérna sem eru náttúrulega bara góðir vinir mínir í dag.

Hvaðan kom hugmyndin að nýja þættinum sem var að fara af stað á RÚV ?

Þetta bara datt í hausinn á mér í vinnunni, örugglega allskonar ástæður fyrir því að nákvæmlega þessi hugmynd kom, ég greini það síðar. Ég heyrði strax í Dóra Gylfa, leikara sem ég þekki í gegnum Knattspyrnufélagið Þrótt, og bað hann um að gera “pilot” með mér. Hann var klár enda alvöru meistari. Hlakka til að sá þáttur birtist, vel hrár en ofboðslega skemmtilegur.

Ótrúleg ósannindi sett fram á sannfærandi hátt. Spuni og leikgleði. Allt fær að flakka og allt er mögulegt. Ég er með umræðuefni sem við fyllum svo inn í og reynum að gera sem besta sögu úr. En svo á köflum er þetta líka alvöru viðtal og fólk ekkert að bulla, þangað til að ég leiði viðmælandann í bullið.

Það er auðvelt, enda allt topp fólk sem ég fékk til mín, fólk sem ég vissi að myndi gera þetta vel. En þetta er samt flókið, þættirnir eru allir ein taka. Við setjumst bara niður og byrjum að rúlla, ein taka og ein útkoma. Þetta er ótrúlega skemmtilegt, en auðvitað stressandi líka.

Það er bara Pipar / HEE-TV / lífið. Er með fullt af fleiri hugmyndum, nú fer ég bara að bögga ykkur með þeim.

Hér má njóta fyrsta þáttarins, njótið vel !

Skemmtilega kom upp um daginn að Elfar Þór Guðbjartsson var fenginn til að taka upp og leikstýra senu fyrir tilvonandi mynd Greg Sestero, “Miracle Valley”, í Kvikmyndaskólanum. Björgvin Frans Gíslason lék í senunni og naut Elfar aðstoðar nemenda, þar á meðal voru Þorsteinn Sturla Gunnarsson, Karólína Bæhrenz Lárusdóttir, Snorri Sigurbjörn Jónsson, Óttar Andri Óttarsson, Hálfdán Hörður Pálsson og Kristófer Smári Leifsson .

Það var nú pínu fyndið hvernig þetta gerist. Ég var bara heima í rólegheitum þegar Rakel vinkona mín sendir allt í einu á mig skilaboð um hvort við getum spjallað smá.
Hún hringir og segir mér að vini hennar, Greg Sestero, vanti aðstoð við að skjóta atriði hér á Íslandi fyrir nýju myndina sem hann er að gera. Áður en ég vissi var ég farinn að spjalla við hann daglega um verkefnið. Ástæðan fyrir því að hann þurfti að fá verkefnið skotið hér var vegna þess að Björgvin komst ekki út til að skjóta það. Greg, eins og allir sem komast í kynni við Björgvin, elskar hann og hann varð að hafa hann í myndinni þannig ég var fenginn til þess að redda þessu ásamt flottustu nemendum landsins !
Þannig það má segja að ég hafi í raun dottið aftur á bak í þetta verkefni.

Það er aldrei lognmolla í kringum fólk Kvikmyndaskólans

Greg Sestero tekur upp senu í Svarta Stúdíói Kvikmyndaskólans

Nemendur á fyrstu önn Leikstjórnar og Framleiðslu luku kúrs í handritsgerð með Kolbrúnu Björnsdóttur og fóru tökur á auglýsingum í samnefndu námskeiði undir leiðsögn Baldvins Albertssonar.
Nemendur á 2.önn sátu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl og eyddu vikunni í tökum. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate).  Nemendur á 4.önn voru við undirbúning á útskriftarverkefni sínu á meðan aðrir hófu tökur. 

Nemendur á 1.önn luku námskeið í hljóðvinnslu með fagstjóra hljóðs, Kjartani Kjartanssyni (101 Reykjavík) og hófu námskeið í kvikmyndatöku undir leiðsögn Björns Ófeigssonar (Latibær).
Nemendur á 2.önn sátu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl og eyddu vikunni í tökum. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate).
Nemendur á 3.önn sátu námskeið í klippingu með Davíð Alexander Corno (Kona fer í stríð) og Evu Lind Höskulsdóttur (Frost, Hæ Gosi), þar sem þau klippa hver sína heimildarmynd sem þau skutu í áfanga fyrr á önninni. Nemendur á 4.önn voru við undirbúning á útskriftarverkefni sínu á meðan aðrir hófu tökur.    

Nemendur á 2.önn sátu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl og eyddu vikunni í tökum. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate).
Nemendur á 4.önn hófu SAM viku – þar sem þeim gefst tækifæri að vinna með öðrum nemendum að verkefnum sínum. 

Nemendur á 1.önn sátu námskeið í leiktækni með Rúnari Guðbrandssyni (Svartur á Leik),  leik og hreyfingu með Guðmundi Elíasi Knudsen og luku námskeið í námskeiði í raddtækni með Þóreyju Sigþórsdóttur (Agnes) með fyrstu kynningunni sinni. Nemendur á 2.önn sátu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl og eyddu vikunni í tökum. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate).
Nemendur 3.annar sátu kúrs í leiktækni undir leiðsögn Hannes Óla Ágústssonar (Málmhaus) og leiklistarsögu með Rúnari Guðbrandssyni. 
Nemendur á 4.önn luku námskeiði í gerð dansmyndbands undir leiðsögn Kolbrúnar Önnu Björnsdóttur (Svartir Englar) og Rut Hermannsdóttur og námskeiði í gerð “showreels” og æfingum í að fara í áheyrnarprufur. 


 Skólavikan endaði svo að venju með öllum ne,endum í kvikmyndasögu í Bíó Paradís.

Útskriftarverk í fullum gangi og dansað í gegnum vikuna

Nemendur á fyrstu önn Leikstjórnar og Framleiðslu luku kúrs með fagstjóra Leikstjórnar, Hilmari Oddsyni (Tár úr Steini) í myndrænni frásögn þar sem þau leikstýrðu æfingarverkefni og hófu svo námskeið í auglýsingum með Baldvin Albertssyni og handritsgerð með Kolbrúnu Björnsdóttur. Nemendur á 2.önn luku námskeiði í handritsgerð með Hrafnkeli Stefánssyni og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru ogNemendur á 4.önn tóku handritsnámskeið í leiðsögn Huldars Breiðfjörðs (Pabbahelgar, Undir Trénu) og unnu að undirbúningi útskriftarmyndar sinnar.

Nemendur á 1.önn sátu námskeið í hljóðvinnslu með fagstjóra hljóðs Kjartan Kjartanssyni (101 Reykjavík). Nemendur á 2.önn luku klippinámskeiði með fagstjóra klippingar, Davíð Alexander Corno (Kona fer í stríð) og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate), Nemendur á 4.önn handritsnámskeið í leiðsögn Huldars Breiðfjörðs (Pabbahelgar, Undir Trénu) og unnu að undirbúningi útskriftarmyndar sinnar. Nemendur á 3.önn luku tökum á heimildarmynd undir leiðsögn Björns Ófeigsson (Latibær) og hófu námskeið í klippi með Davíð Alexander Corno (Kona fer í stríð).  Nemendur á 4.önn sátu kúrs í framleiðslu með Arnar Benjamín (A Reykjavik Porno) og kvikmyndatöku með Bjarna Felix Bjarnarssyni (Borgríki) þar sem þeir undirbjuggu tökur fyrir útskriftarmyndina sína. 

Nemendur á 2.önn luku  við endurskriftir að pilot sjónvarpsþætti  undir leiðsögn Daggar Mósesdóttur (Me & Bobby Fischer) og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate). Nemendur á 4.önn tóku handritsnámskeið undir leiðsögn Huldars Breiðfjörðs (Pabbahelgar, Undir Trénu) ásamt því að vinna að endurskriftum að handriti í fullri lengd, undir leiðsögn Hrafnkels Stefánssonar (Borgríki) sem þeir hafa veirð að vinna síðan á fyrstu önn.

Nemendur á 1.önn sátu námskeið í Leiktækni með Rúnar Guðbrandssyni (Svartur á Leik), námskeið í Raddtækni með Þórey Sigþórsdóttur (Agnes) og Leik og Hreyfingu með Guðmundi Elíasi Knudsen. Nemendur á 2.önn luku kúrs í Leiktækni með Rúnar Guðbrandssyni (Svartur á Leik) og hófu námskeið með öðrum nemendum á annarri önn, þar sem þau munu hvert og eitt skjóta, klippa og frumsýna stutta mynd sem lýsir þeirra persónulega stíl. Leiðbeinendur með þeim eru Ágústa Margrét Jóhannesdóttir (UseLess) Linda Stefánsdóttir (The Fifth Estate) Nemendur 3.annar sátu kúrs í Leiktækni undir leiðsögn Hannes Óla Ágústssonar (Málmhaus) og leiklistarsögu með Rúnari Guðbrandssyni. Nemendur á 4.önn sátu námskeið í gerð dansmyndbands undir leiðsögn Kolbrún Önnu Björnsdóttur(Svartir Englar) og Rut Hermansdóttur,  námskeið í gerð showreel og æfingar fyrir áheyrnarprufur og námskeið með Árna Beinteinssyni í Talsetningu. Allar deildir enduðu svo vikuna í Kvikmyndasögu í Bíó Paradís.

Meðal þess sem haldið var upp á þessa vikuna; Bolludagur og Mottumars þar á meðal, var haldin hátíðleg Árshátíð Kínema, nemendafélags Kvikmyndaskólans, og hér má njóta mynda frá viðburðinum

Ný námskeið hefjast og nemendur gera sér glaðan árshátíðar dag

Nemendur á fyrstu önn Leikstjórnar og Framleiðslu sátu kúrs með fagstjóra Leikstjórnar, Hilmari Oddsyni (Tár úr Steini) í myndrænni frásögn þar sem þau leikstýrðu æfingarverkefni ásamt því að byrja undirbúning að lokaverkefni annarinnar sem er 7 mínútna stuttmynd með engu tali. Nemendur á 2.önn luku námskeiði í Leikstjórn með Berki Gunnarssyni (Þetta Reddast) þar sem þau leikstýrðu bæði nemendum úr leiklist ásamt atvinnuleikurum og sátu námskeið í handritsgerð með Hrafnkeli Stefánssyni (Borgríki). Nemendur á 4.önn tóku handritsnámskeið í leiðsögn Huldars Breiðfjörðs (Pabbahelgar, Undir Trénu) og unnu að undirbúningi útskriftarmyndar sinnar.

Nemendur á 1.önn hófu námskeið í hljóðvinnslu með fagstjóra hljóðs, Kjartani Kjartanssyni (101 Reykjavík), ásamt því að byrja undirbúning að lokaverkefni annarinnar sem er 7 mínútna stuttmynd með engu tali. Nemendur á 2.önn unnu sátu klippinámskeið með fagstjóra klippingar Davíð Alexander Corno (Kona fer í stríð). Nemendur á 3.önn eyddu vikunni í tökum, þar sem hvert og eitt þeirra skaut heimildarmynd undir leiðsögn Björns Ófeigsson (Latibær). Nemendur á 4.önn sátu kúrs í framleiðslu með Arnar Benjamín (A Reykjavik Porno) og kvikmyndatöku með Bjarna Felix Bjarnarssyni (Borgríki) þar sem þeir undirbjuggu tökur fyrir útskriftarmyndina sína. 

Nemendur á 2.önn luku námskeiði í Leikstjórn með Berki Gunnarssyni (Þetta Reddast) þar sem þau leikstýrðu bæði nemendum úr leiklist ásamt atvinnuleikurum og sátu við endurskriftir að “pilot” sjónvarpsþætti  undir leiðsögn Daggar Mósesdóttur (Me & Bobby Fischer). Nemendur á 4.önn sátu handritsnámskeið undir leiðsögn Huldars Breiðfjörðs (Pabbahelgar, Undir Trénu) ásamt því að vinna að endurskriftum að handriti í fullri lengd, undir leiðsögn Hrafnkels Stefánssonar (Borgríki) sem þeir hafa verið að vinna í síðan á fyrstu önn.

Nemendur á 1.önn hófu námskeið í Leiktækni með Rúnar Guðbrandssyni (Svartur á Leik), námskeið í Raddtækni með Þóreyju Sigþórsdóttur (Agnes) og Leik og hreyfingu með Guðmundi Elíasi Knudsen, ásamt því að byrja undirbúning að lokaverkefni annarinnar sem er 7 mínútna stuttmynd með engu tali. Nemendur á 2.önn luku raddþjálfunar námskeið með Þóreyju Sigþórsdóttur (Agnes), með glæsilegri kynningu, og sátu kúrs í Leiktækni með Rúnari Guðbrandssyni (Svartur á Leik). Nemendur 3.annar var leikstýrt af nemendum 2.annar í Leikstjórn, þar sem þau léku á móti atvinnuleikurum ásamt því vinna í Leiktækni undir leiðsögn Hannes Óla Ágústssonar (Málmhaus). Nemendur á 4.önn sátu námskeið í gerð dansmyndbands undir leiðsögn Kolbrúnar Önnu Björnsdóttur (Svartir Englar) og Rut Hermannsdóttur, námskeið í gerð showreel, æfingar fyrir áheyrnarprufur og námskeið með Árna Beinteinssyni í talsetningu.

Vikan svo endaði að venju með kvikmyndasögu í Bíó Paradís.

Árshátíð Kínema er á föstudaginn 28.febrúar og er síðasta tækifærið til að kaupa miða á hana er á miðvikudaginn, 26.febrúar.

Unnið með atvinnu leikurum og árshátíð á næsta leiti

ÞEMI: Mexicanoooooo (Lesist “Me-hí-ka-no”)
Verð: Nemendakortshafar: 4.000 kr. Aðrir: 5.500 kr. Miðar við hurð: 6.000 kr.

Miðasala er hjá Maríu Araceli eða senda okkur póst á kinema@kvikmyndaskoli.is – í leiðinni skaltu endilega láta okkur vita hvort þú sért vegan eða vegeterian 🙂


MATUR – DAGSKRÁ – UPPISTAND – HAPPDRÆTTI – ÁRSHÁTÍÐAR SKETS – BJÓR – VÍN –  FLOTTASTA MOTTAN – KOSNINGAR – OG MARGT FLEIRA !

Árshátíð Kínema er handan við hornið !

Nemendur á fyrstu önn Kvikmyndaskóla Íslands luku við sitt fyrsta námskeið;  TÆK 107, þar sem allar deildir skólans læra undirstöðu kvikmyndagerðar og ljúka því hvert og eitt með 1 mínútna stuttmynd.

Nemendur á 2.önn Leikstjórnar og Framleiðslu fóru í listasögu með Lee Lorenzo Lynch ásamt öðrum nemendum á 2.önn, þau sátu námskeið í Leikstjórn undir leiðsögn Börks Gunnarssonar (Þetta Reddast) með nemendum Handrita og Leikstjórnar, og hófu námskeið í handritsgerð með Hrafnkeli Stefánssyni (Borgríki, Kurteist Fólk) þar sem þau meðal annars skrifa handrit að stuttmynd sem þau framleiða í lok annar. Nemendur á 4.önn fóru á handritsnámskeið undir leiðsögn Huldars Breiðfjörðs (Pabbahelgar, Undir Trénu) ásamt 4.önn Handrita og Leikstjórnar þar sem þau vinna handrit að útskriftarverkefni sínu ásamt því að hefja leikstjórnarkúrs með Hilmari Oddsyni (Kaldaljós, Tár úr Steini) þar sem unnið var áfram með lokaverkefnið þeirra.  Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu.

Nemendur á 2.önn Skapandi Tækni, fóru í listasögu með Lee Lorenzo Lynch ásamt öðrum nemendum á 2.önn og klippikúrs undir leiðsögn Davíðs Alexander Corno (Kona fer í stríð). Nemendur 3.annar sátu kvikmyndatöku námskeið með Birni Ófeigssyni (Gnarr, Latibær) þar sem þau undirbúa að taka upp sína eigin heimildarmynd og sátu handritanámskeið með Hrafnkeli Stefánssyni (Kurteist Fólk, Borgríki). Nemendur 4.annar fóru í framleiðslu námskeið með 4.önn Handrit/Leikstjórn undir leiðsögn Arnar Benjamíns (A Reykjavik Porno, Þorsti) og undirbjuggu lokaverkefni sitt með leiðbeinanda sínum Ólaf De Fleur (Borgríki, Malevolent). Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu.

Nemendur á 2.önn Handrita og Leikstjórnar fóru í listasögu með Lee Lorenzo Lynch ásamt öðrum nemendum á 2.önn, sátu námskeið í handritsskrifum fyrir sjónvarpsþætti, þar sem þau munu skrifa “pilot” að sínum eigin þætti undir leiðsögn Daggar Mósesdóttur (Höfundur Óþekktur, Me & Bobby Fischer), námskeið í Leikstjórn undir leiðsögn Börks Gunnarssonar (Þetta Reddast) ásamt nemendum Leikstjórnar og Framleiðslu. Nemendur á 4.önn sátu námskeið í framleiðslu undir leiðsögn Arnar Benjamíns (A Reykjavik Porno, Þorsti), ásamt því að hefja leikstjórnarkúrs með Hilmari Oddsyni (Kaldaljós, Tár úr Steini ) Einnig sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. 

Nemendur á 2.önn Leiklistar sátu námskeið í leiktækni með Rúnari Guðbrandssyni (Svartur á Leik) og námskeið í raddþjálfun með Þóreyju Sigþórsdóttur (Agnes, Kaldaljós). Nemendur á 3.önn sátu námskeið í Leiklistarsögu með Rúnari Guðbrandssyni (Svartur á leik) og unnu með leiktækni undir leiðsögn Hannes Óla Ágústssonar (Málmhaus). Nemendur 4.annar sátu námskeið í handritsgerð með Kolbrún Önnu Björnsdóttur (Svartir Englar) , upprifjunar námskeið í raddvinnu með Þórey Sigþórsdóttur (Agnes, Kaldaljós) og svo námskeið í gerð dansmyndbands undir leiðsögn Kolbrún Önnu Björnsdóttur(Svartir Englar) og Rut Hermansdóttur. Einnig fóru þau í námskeið í gerð showreel og æfingar fyrir áheyrnarprufur. Ásamt því sat 4.önn námskeið í stofnun framleiðslu fyrirtækja og umsókna, og samtíma kvikmyndasögu. Ásamt öllu þessu settu þau á svið söngleik í Iðnó með miklum glæsibrag, sem hafði frestast önninni áður. Alltaf nóg að gera hjá okkur.

Gunn­ar Örn Arn­órs­son var við nám hjá Kvikmyndaskólanum á deild Handrita og Leikstjórnar og útskrifaðist vorið 2018. Um þessar mundir er hann að skrifa kvikmyndahandrit með Ottó Geir Borg að mynd sem Andreas Prochaska, sem þekktastur er fyrir að hafa gert þættina “Das Boot” (2018), hefur í hyggju að taka upp hér á landi, nefnd “Dead End”. Við heyrðum í Gunnari nýverið og fengum að heyra af ferli hans.

Fyrsta minningin sem þú hefur um áhrif kvikmynda á þig?

Ég átti erfitt með svefn sem krakki og það var oftast útaf kvikmyndum, ef myndin var gleðileg þá spann ég fantasíur út frá því þar sem ég var í hringiðu ævintýrsins og ef hún var skelfileg þá var ég undir sæng grenjandi útaf martröðum. Ég fór að temja mér það að skipta um “draumaspólur” (VHS var ríkjandi á þessum tíma) þegar nóttin varð óbærileg og virkaði það yfirleitt.
Annars er fyrsta haldbæra kvikmynda-minning mín þegar ég sat í stofusófanum í handarkrika afa míns og horfði á dystópísku satíruna “Brazil” eftir Terry Gilliam.  Var hræddur og spenntur á sama tíma og yfir skelfilegustu partana setti gamli maðurinn alltaf hendina sína fyrir augun mín. Ég gat samt séð á milli fingra hans, sem ég og gerði, þó mig langaði það ekki.  Ég varð að vita hvernig færi þó það hræddi mig.   


Hvaðan kom hugmyndin að handritinu að “Dead End”? 

Hugmyndin er komin frá eðalmenninu, lyklaborðsfjandanum og læriföður mínum, Ottó Geir Borg.  Hann var búinn að henda í 2 bls. “synopsis” þegar hann fékk mig til liðs við sig til að þróa þetta áfram.  Við unnum með Urði, Verðandi og Skuld sem bakbein, með áherslu á djöfla fortíðar og uppgjör við þá svo að framtíð geti orðið til batnaðar.  Við fylgjum mæðgum á flótta undan föður stelpunnar sem leita skjóls í litlu þorpi á vestfjörðum við hjara veraldar hjá sjókonunni Urði, sem kallar ekki allt ömmu sína.  Móðureðlið er keyrandi afl í gegnum söguna.


Í sameiningu hjuggum við út úr sögumarmaranum 12 þúsund orða “treatment”.  Í framhaldi sendum við það út til Ingvars Þórðarsonar og Andreas Prochaska og vildu þeir fara með þetta lengra. Í framhaldi höfum við verið að hamra út handritið og erum við á lokametrunum þar.  

Það er ekki hægt að biðja um betri fagmenn í verkefnið en þá Ingvar Þórðar og Júlíus Kemp, sem eru framleiðendurnir (Kisi), og með Andreas í leikstjórnarsætinu.  Það eru allir mjög samstilltir og við munum vinna statt og stöðugt í því að gera þessa mynd eins góða og hægt er.


Einhver munur á að skrifa einn eða með samhöfundi?

Það fer auðvitað eftir því með hverjum er skrifað því það passa jú auðvitað ekki allir saman.  En að skrifa með Ottó hefur verið auðvelt. Nánast vandræðalega. Við erum með mismunandi stíl en smellum vel saman.  Það er alltaf endurgjöf á milli og það er jú það sem við þurfum þegar við skrifum, skilja egóið eftir heima og fá allt það sem er að handritinu beint í andlitið.  
Ottó kenndi mér við skólann og var vanur að gefa mér sannleikann óblandaðan.  En hann er sanngjarn og góður kennari, einn sá besti, en enn betri samstarfsmaður og það er minn heiður að fá að vinna með honum.  


Hvaða tón eru þið að leitast við að ná í handritinu?

Við erum að skrifa vestra með hasar og trylli.  En rauði þráðurinn er samt hið mannlega, sem tengir okkur öll. Ást.  Hvað við erum tilbúin að gera fyrir hana og hvernig við breytumst þegar við missum hana.  Venjulegt fólk sem er komið útí horn, landfræðilega og persónulega og þarf að takast á við skelfilegar aðstæður.


Hvernig reyndist skólinn þér og námið?

Þegar ég kom í skólann þá var ég bitlaus hnífur í skúffu bældra skálda.  Ég hafði aldrei þorað að taka af skarið og reyna að skerpa á hæfileikum mínum.  En skólinn reif mig út og með frábærum kennurum náði ég að öðlast færni og hugrekki til að notfæra mér hana.  Maður fær út úr náminu það sem maður leggur sig eftir. Með vinnusemi og þrautseigju hefst þetta, jarðvegurinn er til staðar en þú einn ræður hvað þú gerir við hann.  


Lærðu af kennurunum og samnemendunum.  Hjálpaðu til hvenær sem þú getur og biddu um hjálp um leið og þú þarft en án hræðslu við að mistakast, því frá þeim mistökum kemur yfirleitt mikil reynsla.  Það eru allir í þessu langhlaupi saman, þannig að hjálpist að.


Skólinn gaf mér ekki bara tól í verkfæratöskuna mína heldur nýja fjölskyldu, sem ég elska.  Ég veit ekki hvort ég hafi þakkað fyrir mig eftir að ég útskrifaðist vorið 2018, en ég geri það hér með.  Takk!

Fréttir Í fréttum var það helst

Bolli Már með nýjan þátt á RÚV

Greg Sestero tekur upp senu í Svarta Stúdíói Kvikmyndaskólans

Eddan 2020, nemendur meðal tilnefndra

Útskriftarverk í fullum gangi og dansað í gegnum vikuna

Ný námskeið hefjast og nemendur gera sér glaðan árshátíðar dag

Unnið með atvinnu leikurum og árshátíð á næsta leiti

Árshátíð Kínema er handan við hornið !

Söngleikur og fjöldi námskeiða

Urður, Verðandi, Skuld og Gunnar

Námið

Flýtileiðir